Agilerako futbol-zelaiko
harmailara iristean
bertsozaleak "kaixo" eta "iepa"
ertz batean ta bestean
Final-eguna, kantuan zortzi,
milakaren babespean
beldurrak txiki sentiarazi
ditu kantuan hastean
baina ze handi sumatzen diren
urrutitik ikustean.
Hori horrela bukatu balu,
ze argudio polita
ta beste hari erantzun hauxe
eman behar zion ti-ta.
Alkondara bat estreinatu duk
baina lehengoa jantzita
ez duk hortako hainbeste aldiz
amestu izan hure zita
behingoz sentitzen hasi behar huke
pentsatzeari utzita.
Iratxe zein ondo teman ta
Sergei primeran bakarka
oholtzakideak izandakoek
hunkitu naute, hau marka!
Garai bateko ahots kolpea
bihurtu zait esku zarta
orain ez nago inon soberan
orain ez naiz inon falta
ez da nahi bezain bizkor iritsi
bi mila eta hirurogeoita bata.
ANDONI EGAÑA.
No hay comentarios:
Publicar un comentario